کراچی کا پانی چوروں کے نرغے میں
سندھ رینجرز اور واٹر کارپوریشن کی مشترکہ کارروائی میں ناظم آباد کے علاقے میں ایک خفیہ سرنگوں پر مشتمل غیر قانونی نیٹ ورک پکڑا گیا، جہاں سے روزانہ تیس لاکھ گیلن پانی چوری کیا جا رہا تھا
یہ وہ پانی تھا جو شہریوں کے گھروں تک پہنچنا چاہیے تھا، مگر پہنچ رہا تھا چند مافیہ کی جیبوں میں
ذرائع کے مطابق کارروائی سیف اللہ بنگش ہوٹل کے قریب کی گئی، جہاں خفیہ طور پر آٹھ غیر قانونی کنیکشن نصب تھے حیران کن انکشاف یہ ہوا کہ پانی کے یہ کنیکشن گھروں کے تہہ خانوں سے خفیہ سرنگوں کے ذریعے نکالے گئے تھے یہاں تک کہ سرنگیں اتنی تنگ تھیں کہ انسان کو لیٹ کر کنیکشن جوڑنے پڑتے تھے۔
میئر کراچی و چیئرمین واٹر کارپوریشن بیرسٹر مرتضیٰ وہاب نے خود موقع پر جا کر کارروائی کی نگرانی کی ان کے ہمراہ واٹر کارپوریشن کے چیف آپریٹنگ آفیسر انجینئر اسداللہ خان بھی موجود تھے
مرتضیٰ وہاب کا کہنا تھا کراچی کے عوام کے حقوق پر ڈاکہ ڈالنے والوں کے ساتھ کوئی سمجھوتہ نہیں ہوگا پانی چوری کرنے والوں کے خلاف مقدمات عدالتوں اور ٹریبونلز میں چلائے جائیں گےانہوں نے سندھ رینجرز اور واٹر کارپوریشن کے عملے کی بہادری کو سراہتے ہوئے کہا کہ یہ کارروائی خطرناک تھی، مگر ٹیم نے انتہائی حوصلے سے اسے انجام دیا
یہ بھی انکشاف ہوا ہے کہ تین ماہ قبل اسی مقام پر غیر قانونی کنیکشن پکڑے گئے تھے مگر نیٹ ورک نے دوبارہ سرگرمی شروع کر دی
ماہرین کے مطابق اگر روزانہ تیس لاکھ گیلن پانی چوری ہو رہا تھا تو یہ ماہانہ بنیاد پر نو سو لاکھ گیلن سے زائد پانی بنتا ہےیعنی وہ پانی جس سے ہزاروں گھر روشن ہو سکتے تھے چند مافیا گروہوں کی جیبوں میں جا رہا تھا۔
واٹر کارپوریشن نے واضح کیا ہے کہ پانی چوری کے خلاف شہر بھر میں کریک ڈاؤن جاری رہے گا
