کراچی ملک کا معاشی دل ہے مگر اس دل کی دھڑکن بنانے والے سات بڑے صنعتی زون آج شدید خستہ حالی کا شکار ہیں انہی میں سے ایک اہم زون نکاٹی بھی ہے جس کی نمائندگی بطور صدر فیصل معیز کر رہے ہیں
ہمارے پروگرام “پاکستان ٹوڈے” میں شرکت کرتے ہوئے فیصل معیز نے کھل کر بتایا کہ ٹاونز اور انتظامیہ صعنتی زونز کے اطراف میں انفراسٹرکچر کے سنگین مسائل حل کرنے میں ناک ہیں سڑکیں تباہ اور سہولتیں نہ ہونے کے برابر ہیں انہوں نے کہا کہ یہ صورتحال صرف تاجروں ہی نہیں بلکہ مجموعی معیشت کے لیے بھی خطرناک ہے
فیصل معیز نے انکشاف کیا کہ 2016 کے بعد سے آج تک ان صنعتی علاقوں کی بہتری کے لیے ایک روپیہ بھی فنڈ میں مختص نہیں ہوا یہی وجہ ہے کہ فیکٹریاں چلتے چلتے رک رہی ہیں اور سرمایہ کار پریشانی کا شکار ہیں
صنعتکاروں نے فیصلہ کیا ہے کہ اس صورتحال پر خاموشی اختیار نہیں کی جا سکتی اسی لیے صدر فیصل معیز کے ہمراہ صنعتکار اب وفاقی حکومت اور وزیراعظم شہباز شریف کو خط لکھنے جا رہے ہیں ساتھ ہی اس حوالے سے ایک اہم اجلاس بھی طلب کیا گیا ہے
فیصل معیز کے مطابق اگر انفراسٹرکچر بہتر ہو جائے تو کراچی کا صنعتی پہیہ پوری رفتار سے گھوم سکتا ہے اس سے نہ صرف ریونیو میں اضافہ ہوگا بلکہ روزگار کے نئے مواقع بھی پیدا ہوں گے
انہوں نے اس بات کو تسلیم کیا کہ فیلڈ مارشل جنرل عاصم منیر اور وزیراعظم شہباز شریف کی کاوشوں سے لاء اینڈ آرڈر کی صورتحال بہتر ہوئی ہے سرمایہ کاری کے لیے ماحول سازگار ہو رہا ہے اور بڑے بڑے معاہدے بھی سامنے آ رہے ہیں مگر ان سب کے نتائج تب ہی سامنے آئیں گے جب کراچی کے صنعتی علاقوں کو بنیادی سہولتیں فراہم کی جائیں
فیصل معیز صعنتکاروں کی ایک طاقت ور آواز سمجھے جاتے ہیں اور کھل بات رکھنے کے قائل ہیںاس حوالے سے مکمل پروگرام لازمی دیکھیں
کیا آپ سمجھتے ہیں کہ اگر کراچی کے صنعتی زونز کی حالت بہتر بنا دی جائے تو پاکستان کی معیشت میں نمایاں بہتری آسکتی ہے؟ اپنی رائے کمنٹس میں ضرور دیجئے گاا
