تحریر : علی رضا
ایک نیا نشہ نوجوانوں کے خون میں سرائیت کر رہا ہے اس کا نام ہے ویڈ آئل ہے سننے میں لگتا ہے جیسے کوئی شفا بخش دوا ہو مگر حقیقت میں یہ زہر ہے موت ہے دھوکہ ہے یہ ویپ کی دکانوں سے آتا ہے کوریئر کمپنیوں کے ڈبوں میں چھپ کے یونیورسٹیوں کے پارکنگ لاٹوں میں ڈرائنگ روموں میں اس کے کارٹریج کھینچے جاتے ہیں جیسے کوئی ترقی کا زینہ ہو اور پھر کھائی ہے جس میں دماغ خواب مستقبل سب دفن ہو جاتے ہیں
یہ کھیل اکیلے نوجوانوں کا نہیں یہ کھیل منظم ہے کوریئر والے جانتے ہیں ویپ شاپ والے جانتے ہیں اور وہ بھی جانتے ہیں جو ایوانوں میں بیٹھے ہیں مگر سب تماشا دیکھتے ہیں جیسے محلے کا بچہ جل رہا ہو اور لوگ تالیاں بجا رہے ہوں سپیشل برانچ اور انٹیلیجینس ادارے میری اس خبر کی تصدیق کررہے ہیں مگر سر ہلانے سے کچھ نہیں ہوتا جب تک آئی جی سندھ وزیر داخلہ سندھ ضیاء الحسن لنجار جیسے لوگ ہاتھ نہیں ڈالتے یہ زہر کراچی کی ہر گلی میں بہتا رہے گا جیسے بارش کے بعد نالے ابلتے ہیں
جہاں علم بانٹا جانا چاہیے وہاں زہر بانٹا جا رہا ہے یہ زہر کتابوں سے زیادہ تیزی سے دلوں کو اپنی گرفت میں لے رہا ہے کل کے انجینئر کل کے ڈاکٹر سب ایک کارٹریج کی لپیٹ میں آ کر اپنی زندگی کا باب ادھورا چھوڑ دیں گیں
بڑی نامور کورئیر کمپنی باقائدہ اس منشیات کی ترسیل کے لئیے استعمال ہورہی ہے ہر بار اسی کا نام کیوں سامنے آرہا ہے کیا کوئی منیجر ملوث ہے یا پھر ۔۔۔۔
اس نشہ سے زہن میں خطرناک اثرات مرتب ہورہے ہیں صرف لڑکے ہی نہیں لڑکیاں بھی اسکا استعمال کررہی ہیں ڈیفینس کی ایک بڑی یونیورسٹی کی پارکنگ بڑا گڑ سمجھا جارہا ہے
یہ تحسین نہیں تحقیر ہے یہ ترقی نہیں تباہی ہے اور اگر آج بھی ان منظم دکانوں پر ہاتھ نہ ڈالا گیا تو آنے والا وقت یہ تحریر نہیں بلکہ پورے معاشرے کا ماتم لکھے گا
