رپورٹ : علی رضا
بلوچستان کے ضلع حب میں صوبائی وزیر علی حسن بروہی کے مینیجر علی اصغر زہری کی مدعیت میں صحافی فرحان ملک، اسامہ الطاف، آباد کے چیئرمین حسن بخشی، ریٹائرڈ ایس ایس پی راؤ انوار، سید ممتاز عالم، سید کاظم رضوی، فرید ڈلاری اور دیگر کے خلاف پیکا ایکٹ کے تحت مقدمہ درج کر لیا گیا ہےایف آئی آر میں الزام عائد کیا گیا کہ ملزمان نے یوٹیوب پروگرام “سسٹم” کے ذریعے وزیر کے خلاف منظم میڈیا کمپین چلائی جو کہ سنگین جرم ہے، تاہم کراچی بار ایسوسی ایشن کے سینئر قانوندان ایڈووکیٹ امر حسیب پنہور نے اسے غیر قانونی قرار دیتے ہوئے کہا کہ پیکا ایکٹ کے تحت مقدمہ صرف ایف آئی اے درج کر سکتی ہے، پولیس نہیں، ان کا کہنا ہے کہ کراچی بار صحافیوں کو مکمل قانونی سپورٹ فراہم کرے گی، اس واقعے نے صحافتی آزادی، اظہارِ رائے کے حق اور پیکا ایکٹ کے ممکنہ غلط استعمال پر نئے سوالات کھڑے کر دیے ہیں، جبکہ صحافی برادری اسے انتقامی کارروائی اور سچ بولنے کی سزا قرار دے رہی ہے
