بہاولپور: گورنر پنجاب نے بہاولپور بار ایسوسی ایشن کی تقریب سے خطاب کرتے ہوئے کہا ہے کہ جنوبی پنجاب کی محرومیوں کا خاتمہ صرف اسی صورت ممکن ہے جب اسے ایک علیحدہ صوبہ بنایا جائے۔
گورنر کا کہنا تھا کہ اگر آئندہ انتخابات میں پاکستان پیپلز پارٹی کو پنجاب میں ووٹ اور اکثریت ملی تو پارٹی جنوبی پنجاب کو مکمل طور پر علیحدہ صوبہ بنائے گی۔ انہوں نے واضح الفاظ میں کہا
“اگر ہم نے جنوبی پنجاب کو صوبہ نہ بنایا تو میں پارٹی اور سیاست دونوں چھوڑ دوں گا۔”
ان کے اس بیان کو جنوبی پنجاب میں پیپلز پارٹی کے انتخابی بیانیے کا حصہ سمجھا جا رہا ہے، جس کا مقصد وہاں کے ووٹرز کو متحرک کرنا اور مقامی سطح پر پارٹی کو مضبوط کرنا ہے۔
گورنر نے مزید کہا کہ دہائیوں سے جنوبی پنجاب کے عوام بنیادی سہولیات، تعلیم، صحت اور ترقیاتی فنڈز کی منصفانہ تقسیم سے محروم رہے ہیں
جس کا ازالہ ایک علیحدہ صوبہ ہی کر سکتا ہے
